الرئيسيةالتسجيلدخول

شاطر | 
 

 مسادير ومجادعات ابناء السروراب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
المدير العام
المدير العام


عدد المساهمات : 76
تاريخ التسجيل : 14/05/2013
العمر : 59

مُساهمةموضوع: مسادير ومجادعات ابناء السروراب   الثلاثاء مايو 28, 2013 10:27 pm



nawal tanad
Senior Member تاريخ التسجيل: Feb 2009
المشاركات: 418
المشاركات الخاصة: 0
تاني تحية
ده كان المسدار الإفتتاحى
--------------------------------------------------------------------------------

جنيات سرور مرحب حبابكم تاني ...
يوم هب النسيم ، مرَ علي و غشاني ...
من بلدا بعيد ، جاب السلام أغراني ...
كل المنى ، أطيب تحايا هداني ...
في حفظ الكريم ، بيكم ديمة مرفوع شاني ...
------------------------------------------
mansour abdalla
جداعة السلام للجنه عنوه بسوقك
وإن بار الدهب دايما بعلق سوقك
زرع المكرمات خابرنو من واسوقك
وكان عدم الشراب زى الحليب بسقوبك
-------------------------------------------
بشرى مبارك
سمح النم مع الناس البعرفو النمّه
وأخوان البنات ناس نوال وفاطمه وشمّه
ماهرات فى الشعر وحافظات كمان كل عمّ
يحفظن الكريم ويحفظ منتدانا وكل يوم تزيد اللمّه
-------------------------------------------
جعفر بدرى الأمين
مرحبتين حباب بت ودتناد القايد
ام علما غزير ست الكلام الفايد
نرفع ليك تحايا وتمام منتدانا الرايد
وشوقنا الكتير لكل تنادابى اصبح زايد
-------------------------------------------
mansour abdalla
بنتنى السلام بكريهو كان زى دن
وما بندور خلاف الجنه بيهو عدن
بلد الإغتراب حرقت حياتنا سدن
وشالن بيض سنينا وضمه ليها فدن
منصور
-------------------------------------------
nawal tanad
ماني خاتيه انا أكان بيكم دوام بتباهى...
طيبة خلق كمان معاها نباهه ...
ود أمي السمح السمتة لي ختاها ...
أب فهما سمح ، السكة ما اتخطاها ...
بالزين والسمح سرورابنا عم نباها ...
-------------------------------------------
بشرى مبارك
وين أخوات نوال .. يازهرة ما متخييل
يبارك فيها أمك واللوم.. علىّ متمييل
كنت خبير نسب بس غربه من ما عييّل
أدونى العفو لو كان......حظيظى منييّل
ما عرف بت تناد وفى القايمة كت متزييّل
-------------------------------------------
عصام عبد الرحيم
ماشاء الله للعقل والصحه فايد
شعر دواء لغز معلومه زايد
تحيه لولد بنت ام والد
نتمني التالق الخالد
-------------------------------------------
nawal tanad
جعفر بدري اخوي ال للصفوف كباس ...
أتلقي الصفوف من غير دروع و لباس...
للأحراش فتح شاهدين عليه الناس ...
بصيته المرق عم الخدار ويباس ...
ختالنا البتقعد ،( السروراب جميع فراس ) ...
-------------------------------------------
ياسر محمد الحسن على
سلام يا بت تناد البى كلامك ديمة رافع الراس
يا اخت نصر الدين الراجل صاحب الاحساس
اولاد عمتك خالد وحسن اهل الجلد والراس

معليش ما قدرت اجارى هذا ما جادت به نفسى
-------------------------------------------
بشرى مبارك
بت تناد وجعفر ديل زادو الحضور والمحفل
خلونا جد جد نفتخر...وحلونا كل ما أشكل
بيهم بزيدو حضورى الغاشى والكان مسكل
مبسوط وكلم ناسو .....وجابم وجاب البركل
-------------------------------------------
nawal tanad
بيكم إنتو يمين ، الراس دوام مرفوع ...
يا درقة حماهن يا سندة ال بتجوع ...
بتهب لي نداهن بتثبت المفجوع ...
فى الندى و الكرم تشابه لي خريف و رتوع ...

أبشر بالخير يا ياسر ....
-------------------------------------------
nawal tanad
للمنصور اخوي في البلد البعيدة سلام ...
خابر بالعلوم وعنده فيها كلام ...
في الراي السديد دايما يمين قدام ...
في الذوق الرفيع ، غنيلو قول يا سلام ...
-------------------------------------------
nawal tanad
الجود والكرم شهرة جميع أبواتك ...
بس عيشابي ابوي زايد عليها وحاتك ...
الفارس اللزوم البيه إنت ثباتك ...
يسلم يابا اسمك ، و يسلم كمان جنياتك ...

أنا اخية مرتضى
-------------------------------------------
nawal tanad
بالنار الدهب يصفى ويبين غاليه ...
و الجبل الصعب ما بنطلع عاليه ...
يوم الحارة ديك ، كل زول بعرف ال ليه ...
أنا فوقكم بهز ، و النم بضوق حاليه ...

أنا اخية الجنيات
-------------------------------------------
بشرى مبارك
بالخير جد أبشرى با بت تناد أخوانك
مبسوطين كتير.......... ويتباركن أزمانك
كل ما تزيدى نمّك .........يزيد منتداك ومكانك
واصلى ما تقيفى المولى الكريم عظّمّ ومجّد شأنك
-------------------------------------------
nawal tanad
بالنار الدهب يصفى ويبين غاليهو
و الجبل الصعب ما بنطلع عاليهو
يوم الحارة ديك ، كل زول بعرف الليهو
أنا فوقكم بهز ، و النم بضوق حاليهو

أنا اخية الجنيات
نوال إسماعيل
------------------------------------------
-
الرجوع الى أعلى الصفحة اذهب الى الأسفل
http://alsururab.sudanforums.net
ود البورت
مراقب المنتدى
مراقب المنتدى
avatar

عدد المساهمات : 271
تاريخ التسجيل : 14/05/2013

مُساهمةموضوع: رد: مسادير ومجادعات ابناء السروراب   الخميس مايو 30, 2013 1:12 am

ليه يا قاسي جفيتني وسبتني اتجول ,,,
في ربوع الوادي في الجمال اتأمل ,,,
ازكر اول جلسه الكانت اخر واول ,,
ازكر اخر جلسه وتعال نعيد الاول ,,,





مشكور يا ادمن ,,,
الرجوع الى أعلى الصفحة اذهب الى الأسفل
 
مسادير ومجادعات ابناء السروراب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتديات السروراب :: منتدى الدوبيت والمجادعات-
انتقل الى: