الرئيسيةالتسجيلدخول

شاطر | 
 

 محمد طــة القدال

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ريم الرشيد الزين
مشرفه
مشرفه


عدد المساهمات : 7
تاريخ التسجيل : 25/08/2013

مُساهمةموضوع: محمد طــة القدال    الجمعة أغسطس 30, 2013 6:22 pm

الطمباره والغناى 

محمد القدال 

::::::::::::::::::::

نحن اهل الفرحه جينا 

لا المدامع وقفتنا ولاالحكايات الحزينه 

لما درب الرايحه جابنا جابنا في هادى المدينه 

ياولدى الدروب شقاقا بحر التيه 

ليك درب ولا دربين مساك الدروب ضهاب

ليك قلب ولا بالين وسواى القلوب كضاب 

ليك ضهر ولاسرجين ركاب السروج وقاع

شق ياولدى بحر التيه بتتدردر وتتودر

ولامن يوم علي تايتنا ديك ترسي 

نعزك بالقبيل داخرنو ليك 

الشوق بحر ياولدى بحراً تيه 

قت ليك العليك ادرابو لا تنغش ولا ترضابو لاتنغش

في الزمن الزمين والكي يسوهو خلاف عشان الني 

عليك الدور وتصريف الليالي بدور تشيل ما شلنا من الهم 

ولا من دمعه ترمي الدمعه فوق دربك

روح يابا .. وابق قفاك لاتعاين ولاتعاين علي موطاك

ولا تندم علي خطوا تملي مشيتو لى قدام 

وابقي العاتي زى سنطتنا زى صبرا نلوك فوق مرو زى الزاد

لاشيتاً نزل في الجوف ولابرجع ولا بنزاد 

واركز للبجيبها الريح تقيف انت ويشيلها الريح 

وابقي العاتي والدرب الوراك مسدود و شيل شيلتك

بقيت للنص لاحلما بجيب البر ولا حدود 

وانبليتا اختا الرمله ما تقع البكان الهش 

هي الممطوره مابتبالي من الرش

النعمه بتعرف عاطيها والجمره بتحرق واطيها 

بالكيله عطانا و ما لقينا فوق جمر خطانا وما لقينا 

يوم الوعد ياحليوه فيك الدنيا ما كانت شروق 

الا الارض متكشفه متبلمه نعمنو من خير الخريف

لافحالها شال منطرحه خضرا وفرحه دوب تتشابي لي عين الشمس 

من بت حليوه النفس بيضا كذا الحليب 

والروح مشحتفه في البلود الفيها ريحتك 

للبعود من فزعة الغربة البساسق فوكا

مو راجع ولا بالحيل قريب

الروح مشحتفه في الحبيب القلب بكر الدنيا ما شافت جديدو 

ولا الحزن دقالو باب 

وشفتي كيف يوم الوعد كيفنو مترامي الغمام 

والقمري زغرد للبلوم النسمه هبت مرتين

يا حليوه يوم دقيت بارضك فاس خصيب والتانيه في

يوم الوعد والايد تسالم في الايدين 

والام تقالد فوق جناها تشمو زين

وحليوه صاحيه حليوة ضاحيه كذا النسيم

والدنيا غيم وحليوة جد جد ياولد قول للبلد 

قايل غناوي الحزن ليش شايل مساديرك مجامر دمع ليش 

ليش يا بلد والناس تريد والدنيا كل ما نريد تزيد 

تملا الايدين تفرح تهش 

لو صحيح غنينا بالدمعه الحميمه ولو دموع الفرحه ما لاقت غنانا 

بكره نرجع تاني للكلمه الرحيمه شان هنانا شان منانا

شان عيون اطفالنا ما تضوق الهزيمه

_________________
طارت حماماتي .. وركت سلامية 
غدروها شماتي .. وكتل الرصاص فيا 
لكن يا مواتي .. يا ذمة مشرية 
يا عسكراً فاتي .. مافيا وطفيلية 
من شرفة الآتي .. وبي كل حنية 
أخدني أماتي .. بي طربة أمنية 
ربطن لي جرحاتي .. وبي مرتق واغنية 
سدن لي آهاتي .. فوق وقفة صخرية 
سنن لي إيديا .. وصاحن بي صد صارع 
يا عيش وحرية
 وانغير الواقع 

يا ميتة دغرية 
الرجوع الى أعلى الصفحة اذهب الى الأسفل
ود البورت
مراقب المنتدى
مراقب المنتدى


عدد المساهمات : 271
تاريخ التسجيل : 14/05/2013

مُساهمةموضوع: رد: محمد طــة القدال    السبت أغسطس 31, 2013 2:57 pm

ياسلام عليك يا استاذه ريم غايه الابداع والله 
الرجوع الى أعلى الصفحة اذهب الى الأسفل
 
محمد طــة القدال
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتديات السروراب :: منتدى الشعر والأدب-
انتقل الى: