الرئيسيةالتسجيلدخول

شاطر | 
 

 عمالقه المسادير والدوبيت والشعر الشعبي ........

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ود البورت
مراقب المنتدى
مراقب المنتدى


عدد المساهمات : 271
تاريخ التسجيل : 14/05/2013

مُساهمةموضوع: عمالقه المسادير والدوبيت والشعر الشعبي ........   السبت مايو 18, 2013 6:32 pm

ود شوراني ,,,,,




[size=21]
يا ياقوتة الحضرى الحضارمى زبونك
عازة وغالية طلعن فى التريا تمونك
عاليا ارداف ضامرة هاف وقارن نونك
انكال بالجمال لامن دفق ماعونك

يا تمرة كريمة القاد سبيط عرجونك
لو كان امنوك زاهد الدنيا بخونك
معلومية الذكاء فيها ماهرة فنونك
ربى كساك بالهيبة وصدر قانونك

يا فوسيبة الوادى الروايا مرونك
حب المنقة والانناس حلاتك ودونك
محال ما بتمتعى الحى بهواك وشؤنك
مهوس بيك وقلبى عليك وبقيت مجنونك


قمر السبعتين نورك مضوى دجونك
يقل ويقفد الحيا والصبر مسجونك
واعى الناس يضيع ما بين قسام وهونك
كل المالى مركزو صار قتيل مسنونك

عودتك قامته مربوعة وكحيلة وجونك
خدك دكن الشف والفدى الفى اذونك
ديسك كابى خمر وصندلية دهونك
ماهو غريب على لو كان ساهرنبى طعونك

مختار هو النشاك ورعاك وصف ذهونك
ماك مسيومة فى الاسواق منيعة حصونك
كتير من عاش مدهور وعلقنه ظنونك
نحن برانا ما بختانا سوط عربونك

ظبية عنس الريل المجازى هنونك
جنيبة خيل قيافة ولابسه والكون كونك
يا اميهية الصيف فى خلاك وبقونك
باب ليمك عرج واقف غفر كركونك

ها الايام على مقطوع سلك تلفونك
وقلبى المبلى رتبتيله ميدان قونك
ما دام انتى حاملين السلط فى عونك
ظلمك لى مقبول بالحريص كردونك


يا سجاعة الليل الملولحه غصونك
فاقد سمحه كان ما زاد عليك مو دونك
وين يا جريعة النحل اللذيذ مشنونك
كبدت نوق مسارى ومطرك ليمونك

يا لولية الغواص صعيب مخزونك
قفل واختفى ومنع المودة حزونك
قمح القجة شركه وضحى بمليونك
عسى اوجد لماك واسعد واكون ممنونك
[/size]
الرجوع الى أعلى الصفحة اذهب الى الأسفل
ود البورت
مراقب المنتدى
مراقب المنتدى


عدد المساهمات : 271
تاريخ التسجيل : 14/05/2013

مُساهمةموضوع: رد: عمالقه المسادير والدوبيت والشعر الشعبي ........   السبت مايو 18, 2013 6:35 pm




الشم خوخت بردن ليالى الحره

والبراق برق من منا جاب القره

شوف عينى الصقير بى جناحو كفت الفره

تلقاها ام خدود الليله مرقت بره



تعرف لى مشاهيد الرقاد والفره

فلاخ المصب بيهو بتبين تتوره

فوق حيا فوق محل من الصعيد منجره

شاد الله الكريم ما تلقى فيه مضره



اب عراق فتق قرنو المبادر شره

والباشندى عمت مهششيب الدره

من النقره كل حين فوق عليو منصره

ها الايام محاريها القليعه ام غره


قدمت من هنا مبى ضانها سمعت كره

فوق كارتوت شخيتيرا تخين خره

قلاتو الوهاط بى لشغه قبلو محره

يا باسط النعم تسقيها فى ها المره
الرجوع الى أعلى الصفحة اذهب الى الأسفل
ود البورت
مراقب المنتدى
مراقب المنتدى


عدد المساهمات : 271
تاريخ التسجيل : 14/05/2013

مُساهمةموضوع: رد: عمالقه المسادير والدوبيت والشعر الشعبي ........   السبت مايو 18, 2013 6:37 pm









تلك المقاطع كانت (مجاراة) من ود شوراني لود الدكيم ... و يروى أنه قيل لود شوراني أن ود الدكيم قال:

دمك صافي تحوير المعردب لونك
بدر الكون جبينك و الضلمة قرونك
ما دام انت زي نجف الخواجة عيونك
كيف بتداوى من مرضو و يطيب مجنونك

و البيت الأخير روي أيضاً كالآتي:
بيش بتداوى من مرضو و يطيب مجنونك

و قد طرب ود شوراني عند سماعها و قام بالمجاراة
الرجوع الى أعلى الصفحة اذهب الى الأسفل
 
عمالقه المسادير والدوبيت والشعر الشعبي ........
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتديات السروراب :: منتدى الدوبيت والمجادعات-
انتقل الى: