هذه نبذه مختصرة عن شاعرنا الكبير أبوصلاح
ولد الشاعر ابو صلاح او صالح عبد السيد بحى الموردة امدرمان عام 1890 م
درس القرآن بخلوة الفكى مكى حسن حسين
مكث بحى الهجرة امدرمان مع اقربائه ثم انتقل الى الخرطوم بحرى والتحق بمدرسة الامريكان الابتدائية لكنه لم يستطع مواصلة دراسته فعمل صبى نجار بمصلحة الوابورات ثم بالحملة الميكانيكية وبعدها استقال منها وتنقل بين الاعمال الحرة
تزوج مرتين وانجب البنين والبنات
توفى عام 1963 عن عمربلغ الثالثة والسبعين
يعتبر من الرواد الأوائل في مجال أغنية الحقيبة قدم العديد من الأشعار الوطنية والعاطفية وغيرها ..له أسلوب مميذ في كتابة الشعر وقدرة فائقة على الوصف .
وإليكم بعضاً مما كتبه الشاعر العظيم أبو صلاح :
اغنية (ياسمير بنظرتك)
يا سـمـير بِـي نـظرتك اوفي المِعاد العـيـون الشـافـتـك مـا اسـعـدا
مـن هواك انا جسمي دايماً في ارتعاد امّـا نـومي الفرّ مـا مـنـظور يُعاد
يكـفي وجـدي ويـكفي هجري والبُعاد ِرق وجـود وانظر لي راحات قلبي عاد
لـو رضـاك ينـجز حظوظي يساعدا
زاد غـرامـي و عيـشي قط ماليّ لاد يـانُسِّـيم غيـثني مـن الـم الجـلاَّد
جيب لي طيب الجسمو أحلي من الجلاَد تسـري بـين اكـمام بسـاتين البِلاد
مـافـي زهـرة و الا عـزمك قـالدا
يـانُـسيِّم نـومـي قـلّ وزاد عـناد اسـتعـد اصـبَـح عـليـك الإستناد
اجتـهـد فـي سرعه زي قدح الزناد تلقي سيّاف لـحظو صاحي وطرفو ناد
احـتـفِـلبـو و لِـفُّو بـي توب النَدا
قـولُّو يـاالمكحول طبيع من غير ثماد يالصـديرك شـال ثمارو وخصرو ماد
ياالمـحـجّـب فـي غُرف ذات العماد لـو سهام عينيك صدف راسي الجماد
غـير شـك دكَّ الحـجـاره و هَـمّدا
صـرت اعـجب دمعي ليه ملأ المِهاد صبري ولَّي وشـوقي دايما في اجتهاد
الغرام بي جيوشو لي حصون قلبي هاد طـرفي خاصم نومي و انطفي بالسهاد
ماشـكيـت الحـب شكيت ما اللي هَدا
لـيـلِي طـال عـتَّم نشر توب الحَداد مـن نـجـومه تـوشح الدُرر الجُداد
طــرفـي سـاهر يـتلو آيات الوداد الشـجـر اقـلام جـميع و النيل مِداد
لـو كـتـب اشـواقـي ليك ما عددا
القطار
من بف نفسك يا القطار ورزيم صدرك قلبى طار وين الحبيب
انت شلتو جيبو يا القطار[/font]
كم غربت من قريب وكم قربت من غريب
ما خليت لى نصيب غير البكا والنحيب
جوفك ياكل اللهيب وان جوفى بياكلو اللهيب
من بعده غصنى الرطيب من غير شك اصبح شحيب
كم كم كم سريت خليل وفرقت خليل من خليل
واجريت دمعى البسيل وابليت ثوب جسمى الجميل
قلبك اقوى من الحديد اجبر من قلب اليزيد
كل ما اتخيل صفير من جوفى يزداد زفير
ليت جناحى الكسير لى حبيبى يقدر يطير
يا حليل شخصو العظيم يا حليل محيو الوسيم
يا حليل قلبو الرحيم السافر سكن الدويم
تجرى شمالا يمين قلبك قط ما بلين
عيشتى عيشة السجين انا من غير خدو الاسيل
انا ما داير السفر لكن نفذ القدر
ايه سبب لى الكدر غير عجلاتك يا القطر
يا ربيع فى روض الزهور
يا ربيع فى روض الزهور عش منعم طول الدهور
بى رنين الطرف الجهور واحتفال غاليات المهور
نجم حظك بدا فى الظهور ساعة بينن توزن دهور
صادنى ظبيا عيناهو حور والدو بدرى واماتو حور
سيف مهند طرفو الجسور فى خدودو النار والبحور
وجه يخجل نور الفجر شعرو فوق الارداف يشر
ديمة تابع الصد والهجر اصلو حكم الغى كلو جور
الغدير اللاف فى بحور من صديرك غالبو الوصول
هزه يشبه سيف النصر يا مليكة حسن العصر
يا خلاصة نور البدور يا المحجب ساكن الخدور
كاس غرامك فى الناس يدور ابقى زود لا يفوتنى دور
من غرامن اين الفرور ليت دمعى يطفى الحرور
يا ربيع اتوقى الشرور دام عليك الهنا والسرور
بلغ الاقوال
بلغ الاقوال يا هلال شبيهك جسمى انقلى
انت شايف البها والجلال والزف واتيه والدلال
وبى لحظ الشوق الملال شوف دواى ممزوج فى خلال
العنب والدر والزلال طبى يحرم والموت حلال
مين يميز دى ويعقلا
طرفى ساهر السهاد والنوع والوبال
طرفو سيف يتلامع قبال الوتر والقوس والنبال
لو يصادف صم الجبال باللحاظ لا شك قلقلا
يا النفورك زادنى انتحال انت ساكن فى جوفى حال
اروى وصيفك على كل حال العيون واللما فى اكتحال
مدى رسمك والموت محال فى قصايدى المنقلا
الكتوف نازلات بانحدار والشعر كالليل با نسدال
والقوام والجيد فى اعتدال رايو ناير فى الظلمة دال
فى خدو تنظر صورة البدال المراية المتصقلا
دمعى سايل زاد انهيال واتفكر يمنة وشمال
ما رايت فى الكون احتمال من خلافك يا ذو الجلال
حسنك تم كبدر الكمال منو قرب السحاب انجلا
قل لطيفك عرج تعال شوف هواك اللى جسمى عال
الزايدة اشتعال لو تسرك تلك الفعال
كل شى يرضيك هو عال منى هاك الروح سجلا
كل شى يرضيك هو عال
منى هاك الروح سجلا
وليلة هوى
ولهان هامى دمعى
ولهان هامى دمعى سهران ساهى بالى
بعدك لى ميسر و قربك ليه ابالى
اخشى يكون حبيبى ترك البين حبالى
ما ضراك وطيفك لو فى النوم صبالى
يوم ودعت حسنك يوم ودعت بالى
امتى اشوف جمالك وامتى تكون قبالى
بى ذكراك معذب كل ما الليل مسالى
قلبى يزيد حنانو وقلبك ليه قسالى
جرت وجار زمانى وخاطرك طاب تسالى
مهما جد بينك صابر مانى سالى
ابكى حبيبى بعدك ايامى الخوالى
انشد فيك صفاهن وانشد فيك موالى
لو لا سيل دموعى بلانى وروالى
حرقت جسمى نارك وحرق الكان حوالى
صدو سبب ذهولى وبعدو سبب ملالى
حبو ملك فؤادى واتمازج خلالى
نور محيو الهلالى ونور خدو البلالى
بعدت عنى دارك وشط البين رحالى
انا سهران حبيبى وطرفك ما صحالى
انا ولهان وراضى ومرك عندى حالى
واللايمنى فيك يا خالى يصيبه حالى
عنب الشام بحبو الا مثالو غالى
قسم بمحيك البدري
قسم بمحيك البدري
غرامك منو ضاق صدري
حبيبي البي العلي تدري
المحينون ليلة القدرِ
نصب فوق حاجبو لي غدرِ
معاك في داخل الخدرِ
فؤادي المالكو من بدري
حبيبي البي العلي تدري
حياتي ونعمتي ويسري
رضيت لو يرض بي اسري
فريض يا دموعي تنتثري
إذا منو النسيم يسري
حبيبي البي العلي تدري
حمام الأيك والقمري
يصيح ينبيك عن أمري
وبين عواسلك السمري
روايحي وفاكهتي وخمري
حبيبي البي العلي تدري
قبالك وين أجيل فكري
مصافحة اليمين سُكري
في بالك هل يمر ذكري
وامامك شكوتي وشكري
حبيبي البي العلي تدري
صحيح لجروحي لا تبري
هواك برضاي ما جبري
بسيمات فاهك التبري
ياجميل كم قللت صبري
حبيبي البي العلي تدري
حبيبى فؤادى
طبعا يهواكا ولا ارضى هلاكى لاارضى سواكا
حبيبى فؤادى
*************
يتلالا خدك ويلمع ضواكا ويتمايل خصرك ما حملو غواكا
يا مساوى البدر
هو ما بسواكا لحظك يمرضنى حق من سواكا
**************
ياالزهراليانع ناعم فى ضراكا والعين لغرامك شوقا تتباكا
مااصعب حبك
ياما اطراكا انا قابل هجرى لوكان سراكا
***************
ياساكن قلبى متى طرفى يراكا هل تدرى عشوقا هو من اسراكا
لك منى هديه
وهى روحى جباكا ويا ظالم رفقا بمن حباكا
****************
طبعا لا اعلم فى الحب لولاكا يا منعش روحى ويامعنى هلاكا
مهما تسلانى
انا لا اسلاكا فى قولك لالا انت ما احلاكا
****************
ياحبيبى فؤادى
ارحم يا سمير قلبى المانساكا "
ارحم يا سمير قلبى المانساكا اسمح لى بنظره لو فى الطيف عساكا
**************
بدلك وتيهك مع تشديد قساكا جوا فؤادى ساكن صبحك ومساكا
حسنك خفا قلبى وتقلك رساكا بغرامك كسانى وبالانوار كساكا
***************
جل البارى ابدع فى خلقك براكا وعبثا قلبى يتعب فى حبك وراكا
صحوا مابتزورنى هل فى الطيف اراكا يالراشا يالمكحل يا شويدن الاراكا
********************
انتا السالى جيلك وجيك ما سلاكا انتا بتجلى حليك وما بتجلى حلاكا
كيف الامه تهوى وكيف تعشق بلاكا يامراهيم جروحا و يا ملكا و ملاكا
*******************
ياظبى الخمائل وظل الغيم معاكا ناعس فى الخمائل قانص ما سعاكا
كيف تصطاد قلوبنا والشئ الدعاكا ارجع من هظاراك وجيب قلبى معاكا
******************
نور يا خديدو الما بطيق نداكا ولع يا فؤادى الحبك ما فداكا
يا غزال لى هلاكى وقتلى انا مين هداكا الموت بين كواحلك يانوعيس هداكا
*****************
مكحول الخمائل بالنظر اشتهاكا يزدرى بالزهور الفى الاكمام زهاكا
يالفى الخاطره لينك فى جيدك بهاكا نومى الشيلتو جيبوهاكا قليبى هاكاهوي
البديع الهواك سبانى
البديع الهواك سبانى يا اخا البدر يا مكمل
*******************
كل من طرفه فيك تامل.......... قلبه من الغرام تحمل
كم عقل فى هواك مهمل ........ مزوى بين خصرك المزمل
المضمر فريعه بانى علاه بدر الصفا المجمل
*********************
يا جميل هجرى طال تسلسل .......... بين ايديك حبى ليك تمثل
يا رشيق عن قتيل هواك سل ........... برقك المن ثناك يرسل
نور عقيد درك الجمانى ضاوى بين فاطرك المعسل
************************
لى سواك قلبى لا يرى محل ........ ومستحيل عن فؤادى ترحل
وما يجد عن شروط هواك حل ........ والسهم منه جسمى ينحل
كم سحب لحظة اذانى من طريفه السقيم واكحل
***********************
ديل ايديك ام حرير مجدل ....... والوريد ولا القامه اعدل
هل صباح بالمحى تبدل .......... وده الاسيس ولا نور مسدل
والكتيف لى ضميره تانى فى ارايك الدروع مهدل
**************************
ركنى ليه من هواك تزلزل ......... والنفوس فى رضاك تبزل
يالرشيق الحشاك مهزل ......... ياملاك من علاك منزل
المريض فى الهلاك يعانى يحيا لو طرفو فيك تغزل
*************************
يا قمر فى سماك مدلل ........... شوقى ذاد ومنامى قلل
الملك للغرام تذلل ........ لى قلب برضاك تعلل
يا الهواك اضحى لى تهانى لابسه تاج بالدر مكلل
**********************
كيف هواك عن فؤادى ينقل ...... ده المحال ما اظنه يعقل
يار قيق الحشا المفقل ......... يضوى سيف طرفك المصقل
لو سحب لحظه هندوانى للجمال الرواسى قلقل
**************************
قلبى بذكرتم تاهل ............ وشوقى كاد منه عقلى يزهل
والدموع من عيونى تبهل .......... ما اظن بالعلى تجهل
فى الخيال احيا لو ترانى والنجوم من وصالك اسهل
الخوجلاب
مـاكنت رايق وساكن في صفاء وتأمين
فـي الـخوجلاب ياقلبي مني شالك مين
ديـل الـبروق الـشالن ام درر ياسمين
مـابين ظـل الايـك ونـفحه الياسمين
أم ديـل شلوخه تلاته ومن تحت وسمين
يـاقلبي بـينه وبـيني اليقسمك قسمين
جـات روايـح الورود مع الزلال والتين
فـوق الـجمال الـفردي اليلة ملتفتين
بس ايه لزوم انوارنا من شموع ورتين
مـادمت انـت وبـدر الـتم زي اختين
بـقي ديـسك اطول منك ولله متقايسين
شـفنا الـضفاير جـرو للقديم كايسين
أنا شوقي دايماً زايد وماشي في تحسين
انـا صـبري قل ويشهد بي ازاي حسين
برزن نهوده وعامن في الهواء مجاهدين
وعـلي هـلاك العاشق ديمه مجتهدين
صاح وهبه فاقد عقله كم جريح وطعين
الـناس جروحن تسعة انا جروح تسعين
عـد الـشوادي الـغنن يالغرام نايحين
عـد القماري القوقن في الفروع مايحين
عـد الـنسايم الـمرن بالمسك فايحين
تـغشاك ياعثمان نعمة وسرور كل حين
الطريف الشـايل سيف رمـش جـرّاح
الطريف الشـايل سيف رمـش جـرّاح
خــافر در الفاطر والمسك والراح
طرفـي مالك سـاهر وين منامك راح
شوقي اصبح زايد وجدي مالو براح
حظـي مسجون هجرك اطـلقيلو سراح
يـاريحانة قــلبي وزهرة الافراح
النســيم المسـكر للغصـون رنّـاح
جيب لي روح مسكية وزوّد الامناح
يابلـيـبـل طيـبة ويالهـزار النـاح
ليك اصير متشكر لو تعيرني جناح
النســيم المـروي البـالروائح فـاح
هـبّ جمر اشواقي الملّتو الاصفاح
جـلّي صبري ودوّر في القـلوب لفّاح
اصل اذاي عنّـابة وطبي في التفاح
يالنسـيم الغصن المـن مـرورك ماح
صدّ ليـه واطلب من تنـيه سماح
الفـويطـر يقـدح والبـريـق لمّـاح
حـلل امـطر دمعي الاندفق طمّاح
زورني طيف يالساكن في جزائر الواح
يالمـنور داخل في القـلوب سوّاح
في الجـبين مكتـوبة الريـدة بالألواح
زيدني حـباً فيك يمـازج الارواح
الــكـواكب احــتفلو بالقـمر
الــكـواكب احــتفلو بالقـمر
الــكـواكب احــتفلو بالقـمر ام دي روضـة دُرّيـة الثَـمر
ام دي بهـجة الاهـيف الضـمر ديـسا للــدرع وزّع الخُـمر
والطريف شبك رُشرُشـو العَـمر للعيون سيوف تقـضي ما أمر
ديـسا للقـدم وصّـل الخــبـر والصـدير بـرز قلّـع انتـبر
والـنهيد رُخـس لسّـع ماجـبر قلـبي هـجّ طار عنه ماصبر
الشـعـر نـزل للـدرع سـتـر زاحـم القـدم فيـها كم عتّر
والصـدر قلـع والـردف نـتـر والضمير تِعب حالتو في خطر
صبـري قـلّ سال دمعي مانزجر طرفـي لي لـذيذ المنام هَجر
يالمــزانة ياربــرب الحُـجـر يالمـحجّب الضـارب الكُـجر
دمعي مالو فـاض شـابه البحـر ماطفـي العليَّ من لهيب وحر
عقـلي مانـفـقد قلـبي مانسحر تـدري بالعـليَّ نجمة السحر
مالبـروق ومـا الـبدر لـو سفر مالغـصون ومـا الاريل النفر
كاحلة ناعسة للسيف رمـش غفر تسلميـبو مـن ضـلّ او كفر
العُـشُق نصـيب والغـرام قـدر والقـلوب تطـيع امرك الصدر
نارنا مـانطفـت شوقـنا مافـتر ضِعـنا والنفـد فيـنا مـاندر
خاتم السعـود وفـي النجم ظهر باحـتفال خـتام نورو اشتهر
انـتـهـز فـرص يانـع الزهـر دمت فـي نـعيم مـدة الدهر
وصف الخنتيلة
وصف الخنتيلة جمال تاجوج المافي مثيله
كفاك يا زميل رويحتي قتيله قليبي بيشابي حسب ترتيله
صدير هزاز وضميره فتيلة وليها عيون اريل في نتيله
وضيبة زميله تقوده بتاكي القامة يميله
جبينه تلوح انوارو جميلة يفوق القمره بعد تكميله
خدوده اسيله سناها يفوق غيماتو عسيله
كتيفه نزل طاوع ترسيله من الارداف ما لاقي وسيله
خديره كحيلة ضهيره رنع غالباهو الحيله
ضمير الهيف صفحاتو نحيله صدير يرجح وارداف رحيله
عقولنا هزيله قلوبنا عليك كثر زلزيله
شوفة عارضك نغمه جزيلة ترد الروح والغمه تزيله
خدرتك اصيله علي النرجس يعظم تفصيله
عيوني نجوم الليلتحصيله مقاطع النوم ارجوك توصيله
الروبه ظليله طايله معتمه لاخمة دليله
لولا قمر محيك هالي له لكنا نتوه في ظلمة ليله
ليها نفيله تعوم واكتافه يلازموا كفيله
وليها طباع الصيد جفيله عليها القافية وجب تقفيله.
تقبلوا تحياتي (عبدالله)
